आपल्या घरातील गणपतीच्या सजावटीसाठी 10 साध्या कल्पना – भाग 2 (5 कल्पना) + 2 कल्पना बोनस

14 August, 2016 by Ganpati.TV Team

Print this article Font size -16+

गेल्या वेळी आम्ही आपल्या घरातील गणपतीच्या सजावटीसाठी 5 कल्पना शेअर केल्या होत्या, आशा करतो की सगळ्यांना त्या आवडल्या. खरंच बऱ्याच जणांनी त्या पाहिल्या आहेत. आम्ही आता इतर 5 कल्पना शेअर करत आहोत ज्या नक्कीच सर्वांना मदतरूप आणि उपयुक्त ठरतील.

या कल्पना इको-फ्रेंडली (पर्यावरण स्नेही) पर्यायांकडे लक्ष केंद्रित करतात जेणेकरून जागतिक तापमानवाढ कमी करण्याच्या दिशेने आपल्याला पुढाकार घेण्यास मदत होईल.

पुन्हा एकदा या सजावटी तुम्ही सहजरीत्या, कमी खर्चात आणि कमी वेळात करू शकता ज्यामुळे तुमची क्रिएटिविटी दाखविण्यास तुम्हाला वाव मिळेल.

6. ताज्या फुलांनी दररोज घरातील गणपतीची सजावट:

तुमच्या जवळपास ताज्या फुलांचा बाजार आहे का? होय असेल, तर तुम्ही फुलांचा भरपूर प्रकारे उपयोग करू शकता. फुले केवळ त्या जागेला बहुरंगी बनवत नाहीत तर त्याला एक नैसर्गिक सौंदर्य पण जोडतात आणि सर्वात महत्वाचे म्हणजे त्याच्या गोड सुवास छान ताजेपणा आणतो आणि सणाला खरे रूप देतो. सजावटीचा ताजेपणा राखण्यासाठी तुम्ही दररोज सकाळी फुले बदलू शकता. तुम्ही या फुलांचा वापर गणपतीच्या मूर्तीच्या भोवताल सजावटीसाठी करू शकता. विविध रंग आणि प्रकारच्या फुलांचा वापर करून वेगवेगळे डिझाईन्स तयार करता येऊ शकतात.

तुम्हाला सहज फुले मिळत नसतील तर काळजी करू नका. अशी अनेक स्थानिक दुकाने असतात जिथे नैसर्गिक फुलांसारखीच कृत्रिम फुले मिळतात. जरी ती फुले थोडीशी महाग असली तरी, थोड्याफार प्रमाणात ती खऱ्या फुलांसारखीच दिसतात.

7. उपलब्ध स्कार्फ, ओढणी, चुनरी व इतर रंगीत कपड्यांचे तुकड़े वापरा:

सहसा आपल्याकडे नेहमी काही रंगीत कपड्यांचे टुकड़े असतात जे आपण सजावटीसाठी वापरू शकतो. जर कोणतेही महिलांचे कपडे घरी उपलब्ध असतील किंवा मित्र परिवाराकडून ते उसने घेता येत असतील तर आपण त्यातले छान आणि रंगीत कपडे वापरू शकतो.

हे एकतर रंगीत स्कार्फ, ओढणी, चुनरी किंवा तुमच्या सजावटीच्या थीमशी जुळते कोणतेही इतर कापड असू शकते. तुम्ही नेहमीच उपलब्ध कपड्यांना आपआपसात मिसळून पाहू शकता की ते कसे दिसतात. लक्षात ठेवा की तुम्हाला त्या सोबत अजून काही सजावटीचे साहित्य जसे फुले, दिवे किंवा अगदी रीबंस पण लागतील ज्यामुळे तुम्ही सजावटीला पूर्ण रूप देऊ शकता.

8. रंग आणि ताजी फुले वापरून रंगबेरंगी रांगोळी डिझाइन:

रांगोळी ही भारतीय सणांमधील एक अविभाज्य भाग आहे. रांगोळी मुळे आजूबाजूचा परिसर रंगीत होतो आणि सणाचे वातावरण निर्माण होते. अनेक जण सजावटीचा भाग म्हणून सुंदर रांगोळी काढतात. गणेश चतुर्थीशी संबंधित अनेक डिझाईन्स केले जाऊ शकतात. तुम्ही त्यात तरबेज असणे आवश्यक नाही, भिंती किंवा दरवाज्या जवळ काढलेली अगदी सोपी रचना सुद्धा खोलीला शोभा आणते आणि तुमच्या जवळील व्यक्ति कायम त्याची प्रशंसाच करतील.

रांगोळीचे विविध रंग असतात, जे बाजारात उपलब्ध असल्यास तुम्ही सहज वापरू शकता नाहीतर गेल्या वर्षीच्या दिवाळीतील काही रंग उरलेले असतील तर पाहावे. तुम्ही शक्य असल्यास रांगोळी डिझाइनसाठी दररोज ताजी फुले वापरू शकता. एका रंगीत खडूने डिज़ाइन रेखचित्रित करून घ्यावे आणि फक्त दररोज त्यावर ताजी फुले भरावीत. त्यामुळे खरोखर आसपासच्या गोष्टी ताज्या आणि सुंदर दिसायला लागतील.

9. इलेक्ट्रिक दिव्यांची माळ आणि दिवे:

भारतीय उत्सव दिव्यांशिवाय अपूर्ण आहेत. दिवे हे फ़क्त सजावट करत नसून, भोवतालचा परिसर प्रकाशित करून सुंदर बनवतात. तुमच्या वापरासाठी विविध प्रकारचे दिवे उपलब्ध असतात. ते माळा, हार, फ्लॅश लाइट्स इ. प्रकारात मिळतात. तुम्ही मागच्या वर्षी दिवाळीत दिव्यांची माळ विकत घेतली होती का? अरे व्वा, घेतली असेल तर तिचा वापर का करु नये? काढून पहा की ती तुमच्या सजावटीशी जुळते आहे का. पण काळजी घ्या कि तुम्ही दिव्यांचा जास्त वापर करत नाही आहात, नाहीतर ते दिवाळी सारखे दिसेल आणि आपल्याला गणपतीच्या सजवाटीच्या थीम प्रमाणे सजावट करायची आहे.

तुम्ही दिव्यांचा वापर सजावटीसाठी करू शकता आणि त्यांना छान फूलांमधे ठेवा ज्यामुळे तुमच्या सजावट किंवा रांगोळीला शोभा येईल.

10. इको-फ्रेंडली (पर्यावरण स्नेही) सजावटीचे साहित्य:

जागतिक तापमान वाढत असल्याने, प्रत्येकाने इको-फ्रेंडली (पर्यावरण स्नेही) गणपती सजावट करण्यासाठी चांगले पर्याय शोधण्याचा प्रयत्न केला पाहिजे जे फ़क्त सजावटीला सौंदर्यच देत नाहीत तर पुनर्प्रक्रिया न करता येणारे किंवा वातावरण व निसर्गाला हानी न करणारे असावेत.
लक्ष असू द्या की वापरल्या जाणाऱ्या गोष्टी स्वयंपाकघरात सहज उपलब्ध असतात.

11. चमकदार सजावटीच्या माळा:

तुम्ही योग्य प्रकाशयोजना केली असेल तर चमकदार सजावटीचे साहित्य वापरून तुम्ही त्याला अजून रंगीत बनवू शकता. ज्या दुकानात सजावटीचे साहित्य मिळते तिथे हे सहज मिळतात.

तुम्ही गेल्या ख्रिसमससाठी सजावटीचे साहित्य खरेदी केले होते का? छान, बघा की त्यातले काही तुम्ही वापरू शकता का, मला खात्री आहे की तुम्ही निर्मितिक्षम असाल तर त्यातले अधिकाधिक साहित्य तुम्ही वापरू शकाल. पुढच्या सणासाठी पण तुम्ही ह्याचा वापर करू शकता.

12. शो-केस किंवा कपाटातील सजावटीच्या वस्तू:

बऱ्याच वेळा असे असते की तुम्ही घरातील अनेक वस्तू सजावटीसाठी वापरू शकता पण त्या वस्तूंबद्दल तुम्ही विसरलेले असता किंवा तुम्हाला कळत नसते की त्यांचा वापर कसा करवा.

तुमच्या कड़े अशी एखादी वस्तू आहे का जी बराच काळ शो-केस किंवा कपाटात ठेवलेली आहे? एकदा बघा की तुम्ही ती/त्या वस्तू वापरू शकता का.
सहसा घरात बऱ्याच वस्तू असतात जशी फुलदाणी किंवा टांगलेली कुंड़ी जी ताज़ी फुले ठेवायला वापरता येते.
कोणतीही विशिष्ट प्रदर्शनार्थ वस्तू तुम्ही चिकटवून, रीबंस लावून वापरू शकता किंवा चमकदार सजावटीच्या माळा, फुलांच्या माळा लावून वापरू शकता. हा फक्त एक सहज पर्याय आहे जो तुमच्या सजावटीशी जुळत असल्यास तुम्ही वापरू शकता.

आपल्याला लेख आवडला असल्यास कृपया खाली त्याबद्दल एक कमेंट लिहावी. धन्यवाद.

Ganpati.TV Team

The team works hard to provide you useful information. Team also manages all content submitted by our users. If you like, please take a minute to share it on Social Networks.